समाचार

२५

सोमबार
06:09 PM

चैत्र, २०८१

द्वादशी, वैशाख शुक्लपक्ष
02 May, 2023
आजको सुन, चाँदीको दर
सोमबार, २५ चैत्र २०८१
 
02 May, 2023


gold
हलमार्क
प्रति तोला
gold
तेजाबी
प्रति तोला
gold
चाँदी
प्रति तोला

क्रिकेटरको दशैं : घर सम्झिँदा खल्लो, देशका लागि खेल्दा गर्व

News Image

५ कात्तिक, काठमाडौं । नेपालीहरुको ठूलो पर्व बडादशैंको बेलामा नेपालका सिनियर र यू–१९ दुवै टिमका खेलाडी खेल्नमा व्यस्त छन् । बडादशैंमा आफन्त र परिवारसँग हुने भेट र पारिवारिक माहोलभन्दा पर रहेर यो पालि राष्ट्रिय टिमले टिममै दशैं मनाउने छ ।

सिनियर टिमले टी–२० विश्व कप एसिया क्षेत्र छनोट अघि हङकङ र यूएईसँग त्रिकोणात्मक सिरिज खेलिरहेको छ । त्यसलगत्तै नेपालले काठमाडौंमै टी–२० विश्वकप छनोट खेल्ने छ ।

 

सिनियर टिमका केही खेलाडी जसको घर परिवार काठमाडौं र आसपासमा छ उनीहरु ६ गते नवमीका दिन यूएईसँगको खेल सकेर घर जाने तयारीमा छन् । दशैंमा आफन्त र ठूलाबडाको हातबाट टीका थाप्न हवाईमार्गले भ्याउने ठाउँका खेलाडी पनि घर जाँदैछन् । केही खेलाडी भने टिमसँगै दशैं मनाउँदै छन् ।

सिनियर टिमका ओपनर ब्याटर कुशल भुर्तेल भने यसपटक घर जाँदैनन् । खेल भएकाले उनले टिमसँगै रहेर दशैं मनाउने छन् । उनले भने, ‘गेम छ । म यसपटक घर जाँदिनँ ।’

 

राष्ट्रिय टिममा यही त्रिकोणात्मक सिरिजको पहिलो खेलबाट टी–२० अन्तर्राष्ट्रियमा डेब्यु गरेका श्याम ढकाल (मौसम) भने टीकाको अघिल्लो दिन खेल सकेर घर जाँदैछन् । उनले भने, ‘टीकाको दिनमा गेम छैन अघिल्लो दिन गेम सकेर घर जान्छु ।’ उनी टीकाको भोलिपल्ट पुनः टिममा फर्किने छन् ।

राष्ट्रिय टिमका म्यानेजर रहेका सुमनराज कार्की भने टिममा पनि दशैं मनाउने तयारी चलिरहेको बताउँछन् । ‘हालसम्म केही कुरा भएको छैन तर गेम भएकाले यसबारे पनि हाम्रो योजना बन्दैछ,’ उनले भने ।

यु–१९ टिमको दशैं देश बाहिर

यू–१९ क्रिकेट टिम भने एसीसी प्रिमियर कप क्रिकेट खेल्न मलेसियामा छ । दशैंको बेला घरभन्दा पर हुँदा खल्लो लागिरहेको खेलाडीहरु बताउँछन् । टिमका स्पिनर सुवास भण्डारी भन्छन्, ‘दशैंमा घर नहुँदा घरको याद त आइरहेको छ । तर पनि नेपालको लागि खेल्न आएकाले देशलाई पदक जितेर आउनु छ,’ उनले मलेसियाबाटै अनलाइनखबरसँग कुरा गर्दै भने ।

पहिलो पटक घर बाहिर बसेका खेलाडीलाई घर परिवार र दशैंको माहोल याद आइरहेको भए पनि राष्ट्रिय जिम्मेवारी पूरा गर्न आएकोमा उत्तिकै गर्व रहेको उनले बताए ।

घरमा हुन नपाउँदा केही खिन्न भएपनि देशको प्रतिनिधित्व गर्न पाउँदा उत्तिकै खुसी छन् उनी । ‘अब फाइनल जितेर देशलाई एसिया कपमा पुर्याएपछि हाम्रो लागि त्यही नै दशैं हुन्छ,’ सुवासले भने, ‘घरको माहोल सम्झना आउँछ तर नेपालको लागि खेल्ने भएपछि सधैं दशैंमा घर कहाँ भइन्छ र !’ जापानमाथि १४४ रनको जित हात पार्दै नेपालले यू–१९ एसिया कपमा स्थान बनाइसकेको छ ।

सुदूरपश्चिमका तीव्र गतिका बलर हेमन्त पनि घरको याद आइरहेको बताउँछन् । पहिलो पटक परिवारसँग नरहेका उनी भन्छन्, ‘घर परिवारको याद आउँछ । पहिलो पटक हो यसरी दशैंको बेला खेल परेर बाहिर भएको

उनले अघि भने, ‘खेल्न आएका हौं र खेल जितेर दशैं मनाउने हो ।’

"सुभ पात्रो" एक डिजिटल कैलेण्डर हो जो नेपाली मिति, त्योहारहरू, संस्कृति, वैदिक हिन्दू उत्सव, विभिन्न जातीय समूह, धर्म, विश्वास र सांस्कृतिक कार्यक्रमहरूको विस्तृत जानकारी प्रदान गर्दछ। यो नेपाली समय, मिति, पञ्चाङ्ग, शुभ समय/मुहूर्त र विशेष दिन, त्योहार र यात्राहरूको सबै आवश्यक जानकारीहरू ठीक रूपमा पेश गर्दछ। तपाईं हाम्रो वेबसाइट वा आइफोन र एन्ड्रोइड दुबै उपलब्ध "बेस्ट सुभ पात्रो एप" द्वारा यो जानकारी सजिलै प्राप्त गर्न सक्नुहुन्छ। यो विश्वभरी र नेपालभरी सबैले सजिलै यो जानकारी प्राप्त गर्न सक्छन्।"
Copyright © 2023 Subhapatro. All Rights Reserved