भव्य रुपमा सफल भयो नेपालकै पहिलो ‘नेपाल फेसन फेस्टिभल’

काठमाडौं– नेपालमै पहिलो पटक आयोजना गरिएको तीन दिने ‘नेपाल फेसन फेस्टिभल’ सफलतापूर्वक सम्पन्न भएको छ ।

‘दिगो फेसन, सौन्दर्य, जीवनशैली तथा कलाका लागि युवा र महिलाहरूलाई सशक्तिकरण गर्दै’ भन्ने नाराका साथ फेसन नेटवर्क नेपालले गत जेठ ११ गतेदेखि १३ गतेसम्म अर्थात गत शुक्रवारदेखि आइतबारसम्म ललितपुरको सानेपास्थित हेरिटेज गार्डेनमा यो भव्य फेसन फेस्टिभलको आयोजना गरेको हो ।

आयोजक संस्थाका संस्थापक निर्देशक प्रशान्त ताम्राकारका अनुसार नेपाल फेसन फेस्टिभलमा अपेक्षा गरिएको भन्दा बढी सहभागिता भएको छ । ‘तीन दिनको अवधिमा हाम्रो फेस्टिभलमा करिव सात हजार बढीले अवलोकन गर्नु भएको तथ्यांक छ, निर्देशक ताम्राकार भन्छन्– ‘लामो गृहकार्यपछि हामीले जुन उद्देश्यले यो फेस्टिभल आयोजना गरेका थियौं, त्यसमा धेरै हदसम्म सफल पनि भयौं ।’

आयोजक संस्थाका अर्का संस्थापक शेखर राज कसजुका अनुसार फेस्टिभलमा युवा पुस्तासहित हरेक उमेर समुहका व्यक्तिहरुले अवलोकन गरेको, स्टलहरुमा फेसनदेखि जीवन शैली र स्वास्थ्य सेवाहरु लिएको तथा प्यानल डिस्कनदेखि रनवे फेसनबाट मनोरञ्जन लिएका थिए ।

नेपालको फेसन उद्योग तथा यो क्षेत्रमा कार्यरत तथा रुचि राख्ने हजारौं व्यक्तिहरुका लागि फेशन, लक्जरी तथा ब्यूटी सेग्मेन्टहरुका बारेमा ज्ञान बाँड्न, सिक्न तथा अगाडि बढाउने उदेश्यले फेसन नेटवर्क नेपालले नेपालमै पहिलो पटक यो फेस्टिभल आयोजना गर्न गरेको हो ।

फेस्टिभलमा करिव ८० वटा स्टलहरुमार्फत पहिरनदेखि गरगहना, मेकअपदेखि स्वास्थ्य सेवा, शिक्षादेखि खानाका परिकारसम्म सजिएका थिए ।

शुक्रवारदेखि आइतवारसम्म बिहान ११ बजेदेखि साँझ ७ बजेसम्म फेस्टिभलस्टलमा अवलोकन गर्नेहरुको घुईँचो देखिन्थ्यो । पहिलो दिन शुक्रवार करिव दुई हजार जनाले अवलोकन गरेको फेस्टिभलमा शनिवार तथा आइतवार भने करिव तीन–तीन हजारको संख्या अवलोनकर्ताहरु फेस्टिभलस्थलमा पुगेका थिए ।

फेस्टिभलमा स्टलहरुमार्फत विभिन्न सामग्री विक्रीका लागि मात्र राखिएका थिएनन्, फेसन, सौन्दर्य, जीवनशैली, फोटोग्रँफी आदि विषयमा गरिएको प्लानस डिसकसन, छलफल, अन्तरक्रिया तथा कार्यशालामा पनि उल्लेख्य सहभागिता रहेको थियो ।

फेस्टिभलमा ‘द आर्ट अफ इन्फ्ल्यूएन्सः हाउ मेकअप ट्रान्सफर्म योर सोसल मेडिया गेम’ (दिव्या वैद्य), तथा फेसन स्टाइलिङः क्राफ्टिङ यूनिक लूक्स फर एडिटोरियल, रनवे एण्ड एभ्रीडे वेयर’ (पुरन जोशी), विषयमा मास्टर क्लास तथा वर्कशप सञ्चालन गरिएको थियो ।

त्यस्तै फोटो टक सेसनमा गौतम धिमाल, राजभाइ सुवाल, राजु भण्डारी, सुसन श्रेष्ठ तथा प्रनव जोशी सहभागि भए ।

प्यानल डिस्कसन सेसनमा भने पहिलो दिन ‘सस्टेनेवल फेसनः प्रोमोटिङ सस्टेनेबल बिजनेस प्राक्टिस’ विषयमा छलफल चलाइयो । यो सेसनमा हौसला थापा, प्रज्ञा चित्रकार तथा प्रिया सिग्देलले वक्ताको रुपमा आफ्ना धारणा राखे । पहिल दिन नै ‘द आर्ट एण्ड साइन्स अफ मेकअप’स् एक्सप्लोरिङ क्रिएटिभिटी एण्ड इनोभेसन इन कस्मेटिक्स’ विषयमा छलफल गरियो, जसमा रुष्का श्रेष्ठ, इच्छा कार्की तथा सुकान्ता सरकार वक्ताको रुपमा सहभागि भए ।

दोस्रो दिन ‘डाइभर्सिटी एण्ड इन्क्लूजन इन द फेसन इन्ड्रष्ट्रिजः रिप्रजेन्टेशन म्याटर्स’ विषयमा छलफल चलाइयो, यो सेसनमा नीलम पौडेल,सरोसि नेउपाने तथा उत्कृस्त बिर बिक्रम खड्काले वक्ताको रुपमा आफ्ना धारणा राखे भने तेस्रो दिन ब्रिजिङ द ग्याप बिटविन एकेडेमिक एण्ड इन्डष्ट्रिज डिमाण्डस’ विषयमा छलफल गरियो । यो सेसनमा शैलजा अधिकारी, शेखर राज कसजु तथा मुक्ता श्रेष्ठ सहभागि भए ।

प्रशान्त ताम्राकारको नेतृत्वमा तीन दिनसम्म हरेक साँझ आयोजित डिजाइनर रनवेमा दर्शकहरुको घुईँचो नै लागेको थियो । डिजाइनर रनेवेमा रेजभोल कस्मेटिक्स, परि कस्मेटिक्स,हेमाज बुटिक, जेबिजी बीस्पोक, लोगो फेसन, नमूना कलेज अफ फेसन टेक्नोलोजी, आईआईएफटी स्कूल अफ फेसन एण्ड इन्टेरियर, मेकअप दरबार, राष्ट्रिय पोशाक घर, सबाह नेपाल, पञ्चमणि ज्वेलर्स (हेमाजका पहिरन), टारी मटियाना,ममता गुरुङ जोशी,प्रज्ञा चित्रकार, इन्टा अटायर, ज्वाला राज, जुजु ले तयार पारेका पहिरनहरु विभिन्न मोडलहरुले प्रदर्शन गरेका थिए ।

फेस्टिभलको क्रममा गेहेन्द्र धिमाल फाउण्डेसनले फोटो प्रदर्शनी, फोटो टक, क्वियेर इन फेसन जस्ता सेग्मेन्टहरु सञ्चालन गरेको थियो । फाउण्डेसनका संस्थापक गौतम धिमालका अनुसार फोटोटकमा उनी स्वयंले आफ्नो फोटोग्राफीका अनुभवहरु शेयर गरेका थिए भने वरिष्ठ फोटोग्राफरहरु राजभाइ सुवाल, राजु भण्डारीले समेत आफ्ना फोटोग्राफी अनुभवहरु साटासाट गरेका थिए । गेहेन्द्र धिमाल फाउण्डेसनकै तर्फबाट आठ जना मोडलहरुले हरेक दिन करिव एक घण्टासम्म क्वियर इन फेसन सेग्मेन्ट अन्तर्गत विभिन्न प्रतिभाहरु प्रस्तुत गरेका थिए ।

गेहेन्द्र धिमाल फाउण्डेनकै पहलमा ‘डाइभर्सिटी एण्ड इन्क्लुजन इन द फेसन इन्ड्रष्ट्रिजः रिप्रजेन्टेशन म्याटर्स’ सहित सस्टेनेवल फेसन आदि विषयमा प्यानल डिस्कसन कार्यक्रम आयोजना गरिएको थियो, जहाँ विभिन्न क्षेत्रका विशेसज्ञहरुले यी विषयमा छलफल गरेका थिए ।फेस्टिभलमा पञ्च एण्ड सन्स ज्वेलरी, परि कस्मेटिक्स, रिजभल कस्मेटिक्स, नमूना कलेज अफ फेसन टेक्नोलोजी , आईआईएफटी स्कूल अफ फेसन एण्ड इन्टेरियर डिजाइन, पिके मार्केटिङ , इन्टा अटायर, आवरण स्किन क्लिनिक, बप्दावा द आर्ट अफ फेसन, टारी मटियाना, हेल्दी च्वाइस, प्रमानी फेसन हाउस, स्विफ्ट टेक्नोलोजीज, राष्ट्रिय पोशाक घर, श्रीकेश हेयर ओयल, एलआईएम कलेज एएलसीका स्टलहरु राखिएका थिए ।

त्यस्तै अमृता क्राफ्ट, ज्वाला राज डिजाइन, फ्लाबियाज भिजन, बहुबेटी फेब्रिक सेन्टर, लोगोज, जुजु, मेकअप दरबार, सुट स्टुडियो, लाली, पस्मिना नेपाल, लक्ष्मी उड क्राफ्ट, काया कलेक्सन, अर्को नेपाल, याभी, डिभाइन जेवेल्स, अरोमा एनपिए, अस्तित्व नेपाल, साबाह नेपाल, बिआइए फाउण्डेसनले पनि फेस्टिभलमा स्टल राखिएका थिए ।

महोत्सवमा ममिता मिराकल्स एण्ड माया इन द एयर, द जेमिनी इन्टरनेशनल, वोसा द क्लोदिङ स्टोर, चिनारी महिला साझेदारी अल्लो उद्योग समुह, काठमाडौं फेब्रिक्स, चियाङ माइ, अंकित फेब्रिक्स, जानिचि कस्मेटिक्स, शमा पस्मिना, न्यू मीउ, केश यूनिसेक्स सलून, डिन्सि कलेक्सन, आईटिसी स्कूल अफ ब्यूटिसियन, फेडेरेसन अफ ह्याण्डी क्राफ्ट एसोसिएसन्स अफ नेपाल (एफएचएएन), जेबिजी बिस्पोक, काइशाज कलेक्सनले पनि स्टल सजाएका थिए ।

फेस्टिभलको फुड कोर्ट अन्तर्गत पनि विभिन्न स्टलहरु राखिएका थिए, जहाँ महोत्सव अवधिभर तीन दिनसम्म बिहान ११ बजेदेखि साँझ ६ बजेसम्म विभिन्न खानेकुराहरु उपलब्ध गरियो । फेस्टिभलको फुड कोर्टमा बोता मोमो, क्रेजी यती र रुमाली घर, थान्कस नेचुरल आईसक्रिम, मीना मिसन खाद्य उद्योग, भिलेज क्याफे, इजी फ्रूट, होक्कादो, मेक्सिकन, हबिबी चाई, पानी पुरी, सम्झना प्रोडक्टले आफ्ना स्टलमार्फत स्वादिष्ट खाद्य परिकारहरु उपलब्ध गराएका थिए ।नेपालको फेसन उद्योगसंग सम्बन्धित बुटिक, डिजाइनर, फोटो स्टुडियो, इभेन्ट म्यानेजमेन्ट गर्ने संस्था, सौन्दर्य सामग्री उत्पादक कम्पनिसहित दर्जनौं प्रतिष्ठानहरुले सहभागिता जनाएको ‘फेसन फेस्टिभल नेपाल’ लाई ऐतिहासिक रुपमा सफल बनाउन सहयोग गर्ने सम्पूर्णमा आयोजक संस्था फेसन नेटवर्क नेपालले कृतज्ञता ज्ञापन गरेको छ ।

कलाकर्मी