गौहत्याको विरोधमा बुटबलमा निकालियो शान्ति र्‍याली

ॐ कार परिवारको अगुवाइमा बुटवलको राजमार्ग चौराहाबाट निस्केको शान्ति र्‍यालीमा सहभागीहरुले गौहत्या बन्द गर, हिन्दु राष्ट्र कायम गर भन्ने नारा लगाउदै नगर परिक्रमा गरेका थिए।

नगर परिक्रमा पछि ट्राफिक चोकमा आयोजित सभामा बोल्दै राष्ट्रिय प्रजातन्त्र पार्टीका अध्यक्ष राजेन्द्र लिङदेलले देशमा अहिले चलेको गौरक्षा आन्दोलन हिन्दु राज्य पुनःस्थापनामा पुगेर टुङयाउनुपर्ने बताएका छन।

धर्मनिरपेक्षताको नाममा हिन्दु समाजलाई अपमानित गर्ने काम भएको भन्दै उनले यसको बिरुद्ध जागरण आउनु सकारात्मक भएको बताए ।

राप्रपाका नेताहरू रबिन्द्र मिश्र र ज्ञानेन्द्र शाहीले धर्मनिरपेक्षताका नाममा हिन्दु धर्ममाथि हस्तक्षेपको प्रयास गरिएको बताए।

विश्व ज्योतिष महासंघ लुम्बिनी प्रदेशका अध्यक्ष जनार्दन न्यौपानेले गौहत्या बन्द गर्न र देशलाई हिन्दु राष्ट्र कायम गर्न माग गरे।